وزیر حج و عمرہ نے ملائیشیا کا سرکاری دورہ مکمل کر لیا۔

حج و عمرہ کے وزیر محترم ڈاکٹر توفیق بن فوزان الربیعہ نے آج ملائیشیا کا سرکاری دورہ مکمل کیا، اس دوران سرکاری اور نجی شعبوں کے حجاج کی خدمت کے نظام کے رہنماوں کے ایک اعلیٰ سطحی وفد کے ہمراہ تھے۔ جس میں انہوں نے ملائیشیا کے حکام اور عمرہ کمپنیوں کے سربراہوں کے ساتھ ملائیشیا سے آنے والوں کے لیے عمرہ کے سفر کو آسان بنانے اور بہتر بنانے میں تعاون کے طریقوں پر تبادلہ خیال کیا۔ دورے کے آغاز پر ملائیشیا کے وزیر اعظم ڈاکٹر انور ابراہیم نے ملائیشیا کے وزیر برائے مذہبی امور ڈاکٹر محمد نعیم مختار کی موجودگی میں عزت مآب ڈاکٹر توفیق الربیعہ کا استقبال کیا۔ وزیراعظم نے دونوں ممالک کے درمیان قریبی تعلقات پر زور دیتے ہوئے عمرہ کے تجربے کو بہتر بنانے اور طریقہ کار کو آسان بنانے اور تیار کرنے کے لیے مملکت کے اقدامات کی تعریف کی، ملاقات میں دونوں ممالک کے درمیان دوطرفہ تعلقات کو مضبوط بنانے اور ملائیشیا کے لیے رحمان کے مہمانوں کی خدمات کی سطح کو بہتر بنانے کے لیے تعاون کے طریقوں پر تبادلہ خیال کیا گیا۔ عزت مآب نے سرکاری اور نجی شعبوں سے ملائیشیا کے مہمانِ رحمان کی خدمت سے متعلق حکام کے ساتھ متعدد ملاقاتیں کیں اور یہ ملاقاتیں ایک مشترکہ ورک ٹیم کے قیام کے ساتھ اختتام پذیر ہوئیں جس کا مقصد "مکہ روڈ انیشی ایٹو" کی توسیع کے امکانات کا جائزہ لینا تھا۔ ملائیشیا کے حاجیوں کو شامل کرنے کے لیے ،ملائیشیا کے حج فنڈ "تبنگ حاجی" کے تجربے کو دوسرے ممالک میں لاگو کرنے کے امکانات کے علاوہ۔ ڈیجیٹل خدمات کے حوالے سے، حج اور عمرہ کے وزیر نے آنے والے عرصے کے دوران ملائی زبان میں "نسک" ایپلی کیشن کی دستیابی کا اعلان کیا، تاکہ ملائیشیا کے عازمین کو آسان اور تیز خدمات کی فراہمی کو یقینی بنایا جا سکے۔ سعودی اور ملائیشیا کے فریقوں نے حج اور عمرہ کی منصوبہ بندی میں سرکاری اور منظور شدہ چینلز سے فائدہ اٹھاتے ہوئے، فرضی حج مہمات کا مقابلہ کرنے، عازمین حج اور عمرہ زائرین کی حفاظت اور سلامتی کو یقینی بنانے کے لیے مشترکہ کام کرنے کے عزم کا اعادہ کیا۔  "نسک" نمائش کے افتتاح کے موقع پر عمرہ کمپنیوں کے سربراہان سے ملاقات میں، حج و عمرہ کے وزیر نے سعودی عرب کی طرف سے  رحمان کے مہمانوں کی خدمت کے ڈیجیٹل تجربے کے ذریعے پیش کیے گئے اختراعی اقدامات کا جائزہ لیا۔ تکنیکی حل فراہم کرنے میں "نسک والیٹ" کے کردار کی طرف اشارہ کیا جو حج اور عمرہ زائرین کو سفر کے دوران نقد رقم(مبلغ) کے بغیر رقم کا انتظام کرنے کی اجازت دیتا ہے۔ انہوں نے یونیفائیڈ سسٹم کے ذریعے براہ راست خدمات فراہم کرنے میں "نسک عنایہ" مراکز کے کردار کا بھی جائزہ لیا جس میں 178 سروس پوائنٹس کے علاوہ "نسک کارڈ" شناختی کارڈ بھی شامل ہے جو مشاعرمقدسہ تک رسائی اور حج کی مناسک کے دوران خدمات کے حصول میں سہولت فراہم کرتا ہے۔ . عزت مآب نے  حرمین شریفین میں ترقی اور توسیع کی کوششوں اور پرمٹ کے ساتھ داخلے کا اہتمام کرکے روضہ شریفہ کی گنجائش(کیپسٹی) میں اضافہ پر بھی تبادلہ خیال کیا،100 اسلامی تاریخی مقامات کی تجدید (تزئین وآرائش ) کے لیے جاری کوششوں کے علاوہ، جس کا مقصد حجاج ومعتمرین کے ایمانی سفر کو تقویت دینا ہے۔