ہم آپ کو صلاح دیتے ہیں کہ مقدس مقامات پہ آنے سے پہلے آپ:

سفر کرنے سے پہلے اپنے ڈاکٹر سے مل لیں تا کہ اِس بات کو یقینی بنا لیں کہ آپ کی صحت ٹھیک ہے اور آپ حج کرنے کے قابل ہیں۔

حج سے کافی پہلے ضروری حفاظتی ٹیکے وغیرہ لگوا لیں، خاص طور پر اگر آپ کسی پرانے مرض میں مبتلا ہوں یا زیادہ عمر کے ہوں۔ لازمی اور اختیاری حفاظتی ٹیکوں کے بارے میں جاننے کے لئے، وزارتِ صحت کی حفاطتی ٹیکوں سے متعلقہ شرائط کا ہدایت نامہ یہاں دیکھیں۔ یہاں کلک کریں
یقینی بنائیں کہ آپ اپنی دوائیں مناسب مقدار میں ساتھ لے لیں، خاص طور پر اگر آپ ایسی بیماری میں مبتلا ہوں جس میں لگاتار دوا لینے کی ضرورت ہو، جیسے دِل کی بیماری، ہائی بلڈ پریشر، گردوں کی بیماری، دمہ، الرجی اور ذیابیطس۔
یقینی بنائیں کہ آپ کے ساتھ ایک تفصیلی رپورٹ موجود ہو جس میں بیماری، دوائیں اور اُن کی مقدار وغیرہ لکھی ہوں، جو ضرورت پڑنے پر، آپ کی بیماری کی دیکھ بھال میں مدد کرے۔
یقینی بنائیں کہ آپ کے دستی بیگ میں ذاتی استعمال کی چیزیں اور آلات ہوں، جیسے ایک تولیہ، شیونگ کا سامان، صابن، ٹوتھ پیسٹ اور برش، ایک چھتری، ڈھیلا سُوتی لباس اور موئسچرازنگ کریمیں اور مرہم وغیرہ۔
یقینی بنائیں کہ میڈیکل کِٹ میں زخم صاف کرنے کے اوزار، بخار کم کرنے اور درد میں آرام کی ادویات موجود ہوں۔
اگر آپ ہوائی جہاز، بس یا کسی اور آمدورفت کے ذریعے پر کافی دیر تک بیٹھیں، تو ہم آپ کو مشورہ دیتے ہیں کہ آپ ہر ایک یا دو گھنٹے بعد تھوڑا چل لیں یا کھڑے ہو جائیں، اور بیٹھے وقت اپنے پاؤں کو مسلسل ہلاتے رہیں کیونکہ اِس سے پاؤں میں ورم آنے سے بچا جا سکتا ہے۔
یقینی بنائیں کہ اگر آپ ذیابیطس میں مبتلا ہیں تو ایک بلڈ گلوکوز میٹر آپ کے پاس ہو۔

ہم آپ کو صلاح دیتے ہیں کہ جب آپ مقدس مقامات میں موجود ہوں تو:

صحتِ عامہ پر کوئی سمجھوتہ نہ کریں، حتیٰ کہ معمولی معاملات میں بھی، کیونکہ صحت کے زیادہ تر مسائل کا آغاز اِن سے ہوتا ہے۔
اپنی رہائش کی جگہ پہ برقی ساکٹس پر زیادہ بوجھ ڈالنے یا اوورلوڈنگ سے بچیں۔
اگر آپ مسلسل کھانسی میں مبتلا ہیں، تو آپ کو ضروری ٹیسٹ کروانے چاہئیں۔
یقینی بنائیں کہ کھانستے اور چھینکتے وقت ٹشو استعمال کریں، خاص طور پر کسی گاڑی میں سفر کے دوران۔
ذاتی صحت و صفائی کو برقرار رکھیں، غسل کریں، اور ہاتھوں کو صابن یا کسی اور جراثیم کش مادے اور پانی سے اچھی طرح دھوئیں۔
ہاتھوں کو، کھانے سے پہلے اور بعد میں، باتھ روم استعمال کرنے کے بعد، چھینکنے اور کھانسنے کے بعد اور اپنی رہائش گاہ میں آنے کے بعد دھوئیں
فرش پر تھوکنے سے احتراز فرمائیں؛ یہ - دیکھنے میں نا مناسب ہونے کے ساتھ ساتھ - بیماریوں کی ترسیل اور انفیکشن پھیلانے کا ذریعہ ہے۔
اگر ٹشو دستیاب نہیں، تو بہتر ہے کہ ہتھیلی کی بجائے، کھانسی اور چھینک کو بالائی بازو سے ڈھانپیں۔
بیت الخلاء کے باہر رفع حاجت کرنے سے احتراز کریں تا کہ نہ صرف ناگوار مناظر نہ پیدا ہوں بلکہ متعدی امراض بھی نہ پھیلیں۔
کچرا اور بچی کھچی خوراک گلیوں میں نہ پھینکیں بلکہ اُن کو مخصوص ڈبوں میں ڈالیں۔
بار بار لباس تبدیل کرتے رہیں اور صاف لباس پہنیں۔ یہ انہیں خراب ہونے سے محفوظ رکھنے سمیت صحت کے کئی مسائل سے بچاتا ہے۔
یقینی بنائیں کہ اپنا منہ اور دانت باقاعدگی سے صاف کریں۔
ہجوم والی جگہوں اور اجتماعات میں ماسک استعمال کریں، اور اُن کو باقاعدگی سے بنانے والے کی ہدایات کے مطابق تبدیل کرتے رہیں، اور اُن کو اُتارتے وقت سامنے سے نہیں بلکے کانوں کے پیچھے سے اتاریں، اور پھر ہاتھوں کو صابن اور پانی سے اچھی طرح دھوئیں۔
چھتری کے استعمال، براہِ راست دھوپ میں آنے، مناسب مقدار میں مشروبات پینے اور آرام کرنے سے گرمی کی شدت اور ہیٹ اسٹروک سے بچیں۔

سرکاری ویب سائٹ جو ڈیجیٹل گورنمنٹ اتھارٹی کے ساتھ رجسٹرڈ ہے

حج کی شرائط