وزارتِ حج و عمرہ نے "نسک عمرہ" نامی خدمت کا آغاز کیا ہے، جس کے ذریعے بیرونِ مملکت سے آنے والے معتمرین بغیر کسی واسطے کے براہِ راست درخواست دے سکیں گے۔

وزارتِ حج و عمرہ نے آج "نسک عمرہ" نامی خدمت کا آغاز کیا ہے، جو ایک نمایاں اقدام ہے۔ اس کے ذریعے بیرونِ مملکت سے آنے والے معتمرین بغیر کسی واسطے کے براہِ راست عمرہ ویزہ حاصل کرنے اور اپنے سفر سے متعلق خدمات کی بُکنگ کرنے کے قابل ہوں گے۔ اور یہ سہولت پلیٹ فارم https://umrah.nusuk.sa/  کے ذریعے فراہم کی گئی ہے۔ "نسک عمرہ" کی خدمت، مملکت سے باہر سے عمرہ ادا کرنے کے خواہش مند افراد کے لیے نئے آپشن میں سے ایک ہے، ساتھ ہی دوسرے آپشن اس کے لئے رکھے گئے ہیں جیسے معتمر کے ملک میں موجود معتبر اور لائسنس یافتہ ایجنٹس۔اور ان کو "نسك عمرہ" پلیٹ فارم کے ذریعے جانا جا سکتا ہے، جہاں نئی خدمت مکمل پیکجز یا علیحدہ خدمات کے انتخاب کی سہولت فراہم کرتی ہے، جن میں ویزا، رہائش، آمدورفت، تعارفی و معلوماتی دورے اور معاون خدمات شامل ہیں، ساتھ ہی یہ سہولت بھی ہے کہ پیکجز کو ان کی خواہشات اور توقعات کے مطابق ترتیب دیا جا سکے۔ یہ ایک جدید یوزر انٹرفیس کے ذریعے ممکن ہے جو 7 زبانوں کی سہولت فراہم کرتا ہے اور متعلقہ سرکاری نظاموں کے ساتھ منسلک ہے، تاکہ یکساں اور رواں ڈیجیٹل تجربے کو یقینی بنایا جا سکے۔ یہ خدمت مختلف طبقوں کے لیے موزوں متعدد ادائیگی کے اختیارات فراہم کرتی ہے، جس کے ذریعے درخواست جمع کرانے سے لے کر ویزا حاصل کرنے تک معتمر تمام مراحل کو الیکٹرانک طور پر مکمل کر سکتا ہے۔ اس کے ساتھ ساتھ پیکجز اور خدمات کے مختلف آپشن بھی فراہم کیے گئے ہیں جو مختلف ضروریات اور خواہشات کو پورا کرتے ہیں، تاکہ ایک سہل اور بامقصد تجربے کو یقینی بنایا جا سکے۔ وزارتِ حج و عمرہ نے زور دے کر کہا ہے کہ "نسك عمرہ" سروس کا آغاز مملکت کی وژن 2030 کے اہداف کے حصول کی کاوشوں کے تحت کیا گیا ہے، تاکہ زیادہ سے زیادہ مسلمانوں کی میزبانی کی جا سکے اور انہیں سہولت و آسانی کے ساتھ حج و عمرہ کی ادائیگی کا موقع فراہم کیا جا سکے، نیز اعلیٰ معیار کی خدمات پیش کی جا سکیں جو مملکت میں رحمن کے مہمانوں کے تجربے کو مزید بہتر بنائیں۔