وزارتِ حج و عمرہ نے "اعاشہ ثون" (ثون کیٹرنگ) چیلنج کا آغاز کیا ہے تاکہ رحمن کے مہمانوں کے لیے کھانے پینے اور خوراک کی خدمات میں جدّت کو فروغ دیا جا سکے۔

وزارتِ حج و عمرہ نے گزشتہ روز اپنے مرکزی دفتر، مکہ مکرمہ میں، سالانہ "اربابِ جدت" اجلاس کے ضمن میں "ثون کیٹرنگ" چیلنج کا آغاز کیا۔ یہ اقدام وزارت کی کیٹرنگ نظام کو بہتر بنانے اور رحمن کے مہمانان کو فراہم کی جانے والی خدمات میں جدّت کو فروغ دینے کی کاوشوں کے تحت کیا گیاہے۔ اس موقع پر عالی جناب نائب وزیر ڈاکٹر عبدالفتاح مشاط کی سرپرستی رہی، جبکہ وزارت کے وکیل برائے خدمات حجاج و معتمرین ڈاکٹر عمرو المداح، اور متعدد ذمہ داران و شراکت دار بھی موجود تھے۔ یہ چیلنج ممتاز سعودی شیف حضرات کو متوجہ کرنے اور انہیں کیٹرنگ میں جدید طریقہ کار پیش کرنے کا موقع دینے کے مقصد سے منعقد کیا گیا ہے، تاکہ خدمات کے معیار کو بلند کیا جاسکے اور حج و عمرہ کے تجربے کی روحانیت کو اجاگر کیا جا سکے۔ یہ سب ایک ایسے مسابقتی ماحول میں ہوگا جو تخلیقیت میں معاون ہے اور عالمی معیار کی کوالٹی اور سلامتی کے اصولوں کے ہم آہنگ ہے۔ " ثون کیٹرنگ" وزارت کے مرکز برائے تخلیق واختراع اور بزنس کی قیادت کے پروگراموں میں سے ایک ہے، جو کاروباری رہنماؤں اور نئی کمپنیوں کے ساتھ شراکت داریوں کو فعال بنانے پر کام کرتا ہے، اور امید افزا خیالات کو قابلِ عمل منصوبوں میں بدلتے ہیں جو رحمن کے مہمانوں کے تجربے کو بہتر بنانے میں معاون ہوں۔ اس ملاقات کے دوران "رحمن کے مہمانوں کے لیے پائیدار حل" کے چیلنج کا تیسرا ایڈیشن بھی لانچ کیا گیا، نیز 13 نئی کمپنیوں کے منصوبے کیٹرنگ، رہائش اور ٹرانسپورٹ کے شعبوں میں خدمات فراہم کرنے والوں کے سامنے پیش کیے گئے، تاکہ آئندہ تعاون کے معاہدوں پر دستخط کی تیاری کی جا سکے۔ یہ چیلنج وزارتِ حج و عمرہ کی ان کوششوں کا تسلسل ہے جو معیاری اقدامات کے ذریعے خدمات کے نظام کی کارکردگی کو بڑھانے اور قومی صلاحیتوں کو فروغ دینے پر مرکوز ہیں، تاکہ رحمن کے مہمانوں کو ایک بھرپور اور مکمل تجربہ فراہم کیا جا سکے، جو اختراع پر مبنی ہو اور مملکت کی وژن 2030 کے اہداف کے مطابق ہو۔