مملکتِ سعودی عرب میں عمومی طور پر، اور مکہ اور مدینہ میں خاص طور پر، تمام بنیادی اور آسائش کی مصنوعات اور سامان جن کی حاجیوں اور مسافروں کو ضرورت ہو سکتی ہے، فراوانی سے اور مناسب داموں میں دستیاب ہیں۔ اِس کے باوجود، ہم آپ کو صلاح دیتے ہیں کہ آپ اپنے سفر کے لئے ضروری سب چیزیں ساتھ لے جائیں، لیکن اتنی زیادہ نہیں کہ آپ کو اٹھانی مشکل ہو جائیں۔ اپنے ساتھ یہ چیزیں لے جانا نہ بھولیں

اپنی ضروری سرکاری دستاویزات: پاسپورٹ، ویکسینیشن کے سرٹیفیکیٹس، ضروری اجازت نامے۔
وہ ادویات جو آپ کو سفر کے دنوں میں درکار ہوں، اور ایک تفصیل جس میں آپ کی صحت کی حالت، اگر آپ کسی مخصوص بیماری میں مبتلا ہوں، اور ایک نسخہ جو آپ کے زیرِ استعمال ادویات کے بارے میں بتائے۔
سفر میں بینک کے ڈیبٹ اور کریڈٹ کارڈز اور کیش رکھنے کے لئے ایک بٹوہ
اپنے کپڑے جن کی آپ کو احرام اتارنے کے بعد ضرورت پڑے گی
لمبے فاصلے چلنے کے لئے موزوں جوتے۔
احرام کے کپڑے۔
آپ کا موبائل فون، موبائل چارجر، اور خلیجِ عرب کے سِسٹم کے مطابق ایک تھری وے پاور سوئچ۔
قرآنِ پاک یا کوئی ایسی کتاب جس کو آپ اِس سفر کے دوران پڑھنے کی ضرورت محسوس کرتے ہیں۔

اپنے ساتھ نہ لے کر جائیں:

خراب ہونے والی کھانے کی اشیاء، جیسے کہ ایسی خوراک اور مشروبات جن کو لے جانے کیلئے خاص ذخیرہ کرنے کے انتظام اور گاڑی کی ضرورت ہوتی ہو۔
کوئی بھی ایسی چیز جو اسلامی ثقافت کے برعکس ہو، مثلاً مگر بلا تحدید: الکوحل، لاٹری کا سامان اور جوا کھیلنے کے کارڈز۔
کوئی بھی روایتی ادویات یا غذائی اور کاسمیٹک مرکبات، جڑی بوٹیاں اور کیمیکلز جو فیکٹری کی ایسی پیکنگ میں نہ ہوں جس پر انگریزی زبان میں اجزاء نہ لکھے ہوں۔
الیکٹرونک سگریٹ اور اُس کے متعلقات، جیسے کہ ای لیکوئیڈز اور لیکوئیڈ نِکوٹین اور متعلقات

مت بھولیں:
سفر کرنے سے پہلے، بیگز اور ڈبوں کے حجم اور تفصیلات کے بارے میں پتہ کرنا نہ بھولیں جن کی ایئرپورٹس اور ایئرلائینز میں لانے کی اجازت ہے تاکہ آپ کا سامان اُن تفصیلات کے مطابق ہو، اور یہ اچھی طرح بند اور پیک کیا گیا ہو، تا کہ بحفاظت پہنچ سکے۔

سرکاری ویب سائٹ جو ڈیجیٹل گورنمنٹ اتھارٹی کے ساتھ رجسٹرڈ ہے

عمرة کے شرائط